Pehli Nazar ... a song (in Hindi)

Kuch aisa lagaa ik ajnabi se mil ke

Jaise janmo se hai us se dil ka rishta koi…

Koi jaadu kiya uski ik jhalak ne

Jaise baithe the sirf uske sajde mein kahin…

Wo kaun hai? Uska naam kya?

Koi hai pari, ya koi apsara…

Mere chain-o-dil mein wo samaa gayi

Pehli nazar mein hi apna bana gayi…

Ab to na khud ka koi hosh hai

Uski aankhon mein main kho gaya…

Uski har adaa, woh maasumiyat

Wo ban gayi hai meri rehnumaa…

Wo kaun hai? Uska naam kya?

Koi khabar nahi, wo hai kahaan…

Zindagi pal mein wo badal gayi

Pehli nazar mein hi apna bana gayi…

Kuch yun hua us ajnabi se mil ke

Dil jhoom utha, dhadkan ruk gayi

Uski ik jhalak ne aisa kya kiya

Kyun wo ban gayi hai meri tishnagi…

Wo jo bhi hai, dil ke kareeb hai

Mujhe dil-e-ishq wo sikha gayi…

Uska bholapan, uski ik hansi

Pehli nazar mein hi apna bana gayi…

P.S. This is my first attempt to write a song, in Hindi. :)